ياللي انت بتقول إيران هي الشيطان بقرون
مع إن زيك مفيش كداب خسيس ف الكون
يا عم هي الشيطان هنقول ومهما يكون
مالك ومال الشيطان بتهاجمه ليه وتخون
هو انت أد الشيطان يا رخو يا حلزون
أنا اعرف ان الشيطان بتهاجمه لما تكون
صادق ، أمين ، فهمان ، مش للعدا طرطون
بودني سامع شيوخكم بيدعوا للأمريكان
والدعوة وسط الحرم خدتوا اليهود إخوان
وبقيتوا ف كل حته تتآمروا ع الخلان
دلوقتي بتقول يا مصري مالك كده شمتان!
والمصري ماله يا عم ، انا ذنبي إنك خوان؟!
ما تسيبني صابر وساكت على ليبيا واللا السودان
إرتريا والجزائر ، أثيوبيا .. أقول كمان ؟
حتى اليمن خونتوه .. مش دولا بردو جيران
دا دولا أصل العرب .. مستعربوش يا MAN
أصل العرب قحطان ولا مكة ولا عدنان
يعني انت خاين جذورك
والمصري لقمة ف زورك
ولما كنت بزورك
كنت بجيبلك كِتّان
خِزَن الغلال أرضي
والمُلك عندي اتوَجَدْ
رمسيس بشبشب دهب
لسه هنا في الوَسَد
ياما صرفت عليك
وبعتلك بالمدد
واسأل رب الخيام
من يوم بناله العَمَد
أحلاف مع اسرائيل ؟!
وعاوزني معاكو كمان
هنموّت مية مليون
لعيون الأمريكان
ودا يبقى ف أي دين
والدور على مين بعدين
وأمير المؤمنين
هيبقى ضاحي خلفان ؟!
ياللي انت بتقول إيران هي الشيطان بقرون
يبقى اسمه إيه اللي داس أرض الجيران ويخون
كداب .. وف كل حته .. الدم عليك بيهون
من غزة للعراق
وكله بالاتفاق
إنتو المرض والداء
وأمر الله هيكون
..
قاللي دا دول شيعة
مبلعتش الجملة
سألتوا يعني إيه
بيعبدوا الأصنام؟
عوجلي بقه وقال
دول بيسبّوا الصحاب
فتحت درج التاريخ
طلعت كشف حساب
وقولت يابني تعالى
نشوف مين الكداب
,,,
لو سبوا يوم الصحاب
انتا يا دون يا حزين
طيّرت أشرف رقاب
وهدرت دم الحسين
ومشيت ورا الكداب
ضد الإمام الزّين
عذّبت آل البيت
وضربت نار ع البيت
وفي المدينة غزيت
يبقى اللي خاين مين ؟!
لو كان عدوك شيطان ما هتغلبه بالزور
الحق لازم يبان والحق نور على نور
واللي يآخي العِدا عمره ما بات منصور
واللي يناطح جبل عمر الجبل ما يخور
واللي بنى ف الهوا بردوا ملهش جذور
إعرف حدودك يا شاطر
واطلب سماح الشعوب
دا اللي يعادي التاريخ
لازم يبات مغلوب
رافع لواء الدين
بس بالمقلوب
يزيد واللا الحسين
دا سؤال يابن المركوب؟!
محمد سلامه
شاعر ومحام مصري
التسميات :
أشعاري بالعامية